لما كان السديم يفكر ف لعدم
لما كان الظلام يفكر ف الضو
لما كان السكات يفكر ف لكلام
الحِس قاطع الحَس
الحَس قاطع الحِس
الريح كان يخبر الماء
و الخلية تفكر
ف معنى الحياة
كيفاش تفجر النواة
من كرش الارض
تبرد نارها ف جوفها
و تصنع الجنة
وسط البركان
تهب نسمة من خيال
تحرك الخلايا الناعسة
ف جرثومة الوجود
تهرس مراية العماء
و تتولد الحياة
يتكتب الحرف الاول فالتاريخ
ف بطن الماء
عباره عن سؤال
شكون المخلوق الأول فوق الارض
شكون يموت التالي
؟
