اللي يراهن عل الريح …
غايبان ف الما ..
اللي يراهن عل الما
كايبان ف السما …
اللي يراهن عل الحلمه..
غايشعل نجمة …
شعليني ياحروفي نقطع الشك باليقين
شفتني مابين الشك والصح
شفتني خيال كايترنح ..
كايقلب عل الخطوات
مالاقي فين
يحط رجليه …
يشويني فيك يا لرض
اللي علموها تخون ماليها ..
حلمنا هم …
خارجين من ترابنا
فقنا عليهم
ف عروقنا يمشيو مع دمنا ..
شربنا مع كوكا كولا…
تخلطو معنا بالمعاهدات …
تعجنو معنا بالإتفاقيات …
دوخونا بالجسد …
ماكيني غا فيفي ياكادع
ياعيني….
جابو الصكع يوقع..
جابو لحمار يسيني
جابو الحولي يبعبع …
خرجو لمرا بالبيكيني
وهكذا مشينا فيها ..
طلع القالب معانا ..
الكوني
…حتى للزداكادا . ..
مانجات لا هذي ولا هذا …
